Жеке тұлғалармен жасалған қолданыстағы банктік қарыз шарттарының талаптарын бір жақты тәртіпте жақсарту туралы хабарлама

Құрметті қарыз алушылар, Осы арқылы «ForteBank» АҚ (бұдан әрі – Банк) Сізге жеке тұлғалармен жасалған қолданыстағы банктік қарыз шарттарының талаптарын біржақты тәртіпте жақсарту туралы хабарлайды. Банк 2019 жылғы 4 сәуірден бастап банктік қарызға қызмет көрсетуге байланысты ай сайынғы комиссияларды есептеуді тоқтатады *. Сонымен, - Қарыз алушылар бұдан әрі қарызды өтеуді банктік қарызға қызмет көрсетуге байланысты ай сайынғы комиссиясыз жүзеге асырады; - Комиссияның аталған күшін жоюы ** 2019 жылғы 4 сәуірден бастап өтелетін әрбір ай сайынғы төлемге қолданылады. «Қазақстан Республикасындағы банктер және банк қызметі туралы» Қазақстан Республикасы Заңының 34-бабының 3-тармағында көзделген құқыққа сәйкес хабардар етілген күннен бастап 14 (он төрт) күнтізбелік күн ішінде қарыз алушы банктік қарызға ұсынылатын жақсарту талаптарын (банктік қарызға қызмет көрсетуге байланысты комиссияны жою) Банкке жазбаша түрде хабарлау арқылы қабылдамауға құқылы. Егер қарыз алушы банк қарызын жақсарту талаптарымен келіссе және / немесе Банк 2019 жылғы 4 сәуірден бастап, 14 күнтізбелік күн ішінде қарыз алушының жазбаша бас тартуын алмаса, қарызды өтеу АЙ САЙЫНҒЫ КОМИССИЯСЫЗ төленеді. Сіз жаңа өтеу кестесін Банктің бөлімшесінен ала аласыз. Барлық сұрақтарыңызды 7575 нөмірі арқылы хабарласып, сұрауыңызға болады. * банктік қарызға қызмет көрсетуге байланысты комиссия әртүрлі кезеңдерде қарызға қызмет көрсету үшін комиссия, банктік шотты жүргізу үшін комиссия, несиелік шотты жүргізу үшін комиссия деп аталған болатын. ** аталған комиссияны жоюы - комиссияны жою күніне дейінгі кезең үшін төленген ай сайынғы комиссияларға қолданылмайды. Құрметпен, «ForteBank» АҚ